اصول گرایان سرپل زهاب
سال «اقتصاد مقاومتی؛ اقدام و عمل» مبارکباداصول گرایان سرپل زهاب
سال «اقتصاد مقاومتی؛ اقدام و عمل» مبارکبادیکشنبه، ۰۱ تیر ۱۳۹۳
ئه‌ێ سه‌وڵْ سه‌ونزْ لۊ تیه‌نی
ریک و ڕه‌نگین چۊ گوڵوه‌نی
مه‌هشه‌ر ده‌می وه‌ختێ خه‌نی
ده‌سم وه داواند مه‌چوو
ئه‌ێ په‌ڕْ قوو ئه‌ێ باڵْ به‌ت
که‌وکْ نسار ، ئاهوو هه‌ڵه‌ت
قاروونْ هۆسن و خاڵ و خه‌ت
ده‌سم وه داواند مه‌چوو
...
ریک و ڕه‌نگین چۊ گوڵوه‌نی
مه‌هشه‌ر ده‌می وه‌ختێ خه‌نی
ده‌سم وه داواند مه‌چوو
ئه‌ێ په‌ڕْ قوو ئه‌ێ باڵْ به‌ت
که‌وکْ نسار ، ئاهوو هه‌ڵه‌ت
قاروونْ هۆسن و خاڵ و خه‌ت
ده‌سم وه داواند مه‌چوو
...
ئه‌ێ سه‌وڵْ سه‌ونزْ لۊ تیه‌نی
ریک و ڕه‌نگین چۊ گوڵوه‌نی
مه‌هشه‌ر ده‌می وه‌ختێ خه‌نی
ده‌سم وه داواند مه‌چوو
ئه‌ێ په‌ڕْ قوو ئه‌ێ باڵْ به‌ت
که‌وکْ نسار ، ئاهوو هه‌ڵه‌ت
قاروونْ هۆسن و خاڵ و خه‌ت
ده‌سم وه داواند مه‌چوو
ئه‌ێ ئاونگْ قه‌ێ وه‌ڵنگه وه‌ن
سه‌ر سه‌ونزْ نازْ ناو چه‌مه‌ن
له دۊرید تاقه‌ت نه‌مه‌ن
ده‌سم وه داواند مه‌چوو
چۊزه‌ێ چه‌وێڕ بوو خوه‌شم
پرچْ به‌ڕه‌زاێ سه‌رکه‌شم
ئه‌ێ نه‌ونه‌مامْ مه‌هوه‌شم
ده‌سم وه داواند مه‌چوو
ئه‌ێ شووخْ شێوه نازه‌نین
لیکه جووان ، قامه‌ت ره‌نگین
سه‌خته له باڵاد دڵ که‌نین
ده‌سم وه داواند مه‌چوو
ئه‌ێ دڵخوه‌شی رووژ و شه‌وم
ئارام که‌رْ له‌رز و ته‌وم
که‌ێ نازْ ده‌نگێ لید ئه‌ژنه‌وم
ده‌سم وه داواند مه‌چوو
ئه‌ێ ناز و توور له قاێه ڕه‌ێ
خاوه‌ن خه‌زانه‌ێ زه‌رده به‌ێ
وریاوه پایز ها له په‌ێ
ده‌سم وه داواند مه‌چوو
هام له په‌ژاره رووژ و شه‌و
ناڵم له وه‌یشتْ له‌رز و ته‌و
ئه‌ر گیان تووای نه‌م له گه‌ره‌و
ده‌سم وه داواند مه‌چوو
ئه‌ێ باخه‌وانْ باخْ به‌ێ
شیرین تره‌ک له شه‌هدْ نه‌ێ
لیموو له مل مێخه‌ک له قه‌ێ
ده‌سم وه داواند مه‌چوو
به‌س که شه‌مامه‌ێ خوه‌ش بووم
کووره‌و مه‌که هامْ شووم
مه‌ر نیه‌ژنه‌وی هه‌ێمه‌ڕووم
ده‌سم وه داواند مه‌چوو
چه‌و کاڵ و هۊل ئه‌بروو که‌وان
گوونا گوڵی چۊ ئه‌رقه‌وان
مه‌ێ خوه‌ش ئه‌نار شاره‌وان
ده‌سم وه داواند مه‌چوو
نووڕْد نیه‌که‌م دۆنیا و دین
پام ها ڕکاو ئه‌سپ و زین
هه‌ر جاێ بچی هام له که‌مین
ده‌سم وه داواند مه‌چوو
دانیش له لام هه یه‌ێ گڕێ
یه سابره ئه‌و تْ چڕێ
واکه چه‌ود بووم وه خڕێ
ده‌سم وه داواند مه‌چوو
مه‌یله‌م وه جی سه‌رسانْ ئێڵ
ئه‌ر به‌یده‌مه تاوانْ ئێڵ
ئاهـــم گرێ داوانْ ئێڵ
ده‌سم وه داواند مه‌چوو